අද (23) දින කුරුණෑගල දිස්ත්‍රික්කයේ වාරියපොළ, කුඹුක්ගැටේ පොලිස් බල ප්‍රදේශයේ නිරාවිය ග්‍රාමසේවා වසම සහ වැල්ලව පොලිස් බල ප්‍රදේශයේ නිකදළුපොත ග්‍රාමසේවා වසම් දෙක හුදකළා කළ බව කොවිඩ් -19 පැතිරීම වැළැක්වීමේ ජාතික ක්‍රියාන්විත මධ්‍යස්ථානයේ ප්‍රධානී යුද හමුදාපති ජෙනරල් ශවේන්ද්‍ර සිල්වා මහතා නිවේදයක් නිකුත් කරමින් ප්‍රකාශ කළේය.
තව ද ඊයේ (22) මධ්‍යම රාත්‍රියේ සිට කුලියාපිටිය පොලිස් බල ප්‍රදේශය හුදෙකලා කර ඇති බව ද වේන්ද්‍ර සිල්වා මහතා සඳහන් කළේය.
පසුගිය 21 වැනිදා සිට කුරුණෑගල,ගනේවත්ත තිත්තවැල්ගල ග්‍රාම නිලධාරී වසම ද හුදෙකලා කෙරිණි.
මේ අතර අද(23) මධ්‍යම රාත්‍රි 12.00 න් පසු ගනේවත්ත දුම්රිය ස්ථානයේ දුම්රිය නතර නොකිරීමට තීරණය කළ බව දුම්රිය දෙපාර්තමේන්තුව ප්‍රකාශ කළේය.
ඒ ගනේවත්ත දුම්රිය ස්ථානය අවට ගම්මාන 5 ක් කොරෝනා ව්‍යාප්තියක් සමග හුදෙකලා කිරීම හේතුවෙනි.
