දිවයිනේ සබරගමුව සහ මහනුවර මෙන්ම නුවරඑළිය දිස්ත්රික්කවලට මිලිමීටර් 50 ක පමණ වැසි ඇති විය හැකි බව කාලගුණ විද්යා දෙපාර්තමේන්තුව ප්රකාශ කරයි.
කාලගුණ විද්යා දෙපාර්තමේන්තුව ප්රකාශ කළේ, බස්නාහිර, මධ්යම සහ වයඹ පළාත්වලත් ගාල්ල සහ මාතර දිස්ත්රික්කවලත් අද (28) දිනයේ විටින්විට වැසි ඇතිවිය හැකි බවයි.
තව ද ඌව පළාතේත් අම්පාර සහ මඩකළපුව දිස්ත්රික්කවලත් ස්ථාන ස්වල්පයක සවස් කාලයේදී හෝ රාත්රි කාලයේදී වැසි හෝ ගිගුරුම් සහිත වැසි ඇති විය හැකි බව එම දෙපාර්තමේන්තුව සඳහන් කළේය.
කෙසේ වෙතත් ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මඟින් සිදුවන අනතුරු අවම කරගැනීමට අවශ්ය පියවර ගන්නා ලෙස ජනතාවගෙන් ඉල්ලීම ද කරනු ලබයි.
මේ අතර දිවයින හරහා සුළගේ වේගය විටින් විට පැ.කි.මී. 30ත් 40ත් දක්වා වැඩි විය හැකි අතර විශේෂයෙන් මධ්යම කඳුකරයේ බටහිර බෑවුම් ප්රදේශවලත් උතුරු, උතුරු මැද සහ වයඹ පළාත්වලත් ත්රිකුණාමලය සහ හම්බන්තොට දිස්ත්රික්කවලත් සුළගේ වේගය විටින්විට පැ.කි.මී. 50 දක්වා වැඩි විය හැකි බව කාලගුණ විද්යා දෙපාර්තමේන්තුව අනතුරු අඟවයි.
ධීවර හා නාවික කටයුතු කිරීමේ දී ඒ පිළිබඳ විමසිලිමත් වන්නැයි කාලගුණ විද්යා දෙපාර්තමේන්තුව ධීවර සහ නාවික ප්රජාවට දැනුම් දෙනු ලබයි.
