2020 සාමාන්‍ය පෙළ විභාගයට පෙනි සිටින සිසුන් සඳහා හෙට (25) බස්නාහිර පළාතේ පාසල් විවෘත අධ්‍යාපන අමාත්‍යාංශයේ ලේකම් මහාචාර්ය කපිල පෙරේරා මහතා සඳහන් කළේය. මෙහි දී සාමාන්‍ය පෙළ විභාගයට මුහුණ දෙන සිසුන් වෙනුවෙන් හුදෙකලා කල ප්‍රදේශ හැර බස්නාහිර පළාතේ අනෙකුත් ප්‍රදේශ වල පාසල් 907ක් හෙට (25) සිට ආරම්භ කිරීමට කටයුතු කරන බව ඒ මහතා වැඩිදුරටත් ප්‍රකාශ කළේය.
තව ද දුරබැහැර ප්‍රදේශවල සිටින බස්නාහිර පළාතේ පාසල් වලට පැමිණෙන සිසුන්ට තම ආසන්නතම පාසලට ගොස් අධ්‍යාපනය ලබා ගැනීමට හැකි බව අධ්‍යාපන අමාත්‍යාංශයේ ලේකම් මහාචාර්ය කපිල පෙරේරා මහතා සඳහන් කළේය.
කෙසේ වෙතත් හෙට (25) සිට බස්නාහිර පළාත හැර සෙසු ප්‍රදේශවල උපකාරක පන්ති නියමකර ඇති සෞඛ්‍ය මාර්ගෝපදේශ අනුගමනය කරමින් පැවැත්වීමට අවසර ලබා දී ඇති ද සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන මහතා සඳහන් කළේය. මේ අනුව උපකාරක පන්ති මෙවර විභාගයට පෙනී සිටින අ.පො.ස සාමාන්‍ය පෙළ සහ උසස් පෙළ සිසුන් සඳහා පමණක් විවෘත කරන ලෙස ඒ මහතා වැඩිදුරටත් කියා සිටියේය.
