20 වැනි ව්‍යවස්ථා සංශෝධන පනතින් ද්විත්ව පුරවැසිභාවය ඉවත් කරන තුරු අඛණ්ඩ විරෝධතාවක නිරත වන බව මුරුත්තෙට්ටුවේ ආනන්ද සහ ඇල්ලේ ගුණවංශ යන නාහිමිවරු පැවසූහ.
උන්වහන්සේලා එසේ පැවසුවේ ඊයේ (21 දා) නාරාහේන්පිට අභයාරාමයේදී පැවැති මාධ්‍ය හමුවේදීය.
එහිදී අදහස් දක්වමින් මුරුත්තෙට්ටුවේ ආනන්ද හිමියෝ පැවසූවේ මේ ආණ්ඩුව බලයට ගෙන ඒම සඳහා පෙරමුණ ගත්තේ සංඝරත්නය බවත් සංඝරත්නයේ හ`ඩට ඇහුම්කන් නොදී කටයුතු කරනවා නම් එය පරාජය කිරීමටද සංඝරත්නය පියවර ගන්නා බව ය.
ඇල්ලේ ගුණවංශ නාහිමියෝ අදහස් දක්වමින් පැවසූවේ
මේ ආණ්ඩුව හදන්න පෙරහැරේ ගියේ අපියි. හැබැයි දැන් වෙන වෙන කසකාරයෝ බෙරකාරයෝ නැට්ටුවෝ එකතුවෙලා වෙනම පෙරහැරක් යන්න හදනවා. ඊට අපි ඉඩ දෙන්නේ නැතැයි කියාය.
විස්සෙන් ද්විත්ව පුරවැසිභාවය ඉවත් කර ගන්නා තුරු සටන් කරනවා
